കെ. ബാലൻ

ആലപ്പുഴ തെക്ക് തിരുവമ്പാടി വാർഡിൽ ചിറയിൽ വീട്ടിൽ 1928-ൽ ജനനം. പ്രാഥമികവിദ്യാഭ്യാസം. കയർ തൊഴിലാളി. 1938-ലെ പൊതുപണിമുടക്കിൽ സജീവമായിരുന്നു.  പുന്നപ്ര സമരത്തില്‍ പങ്കെടുത്തു.പി.ഇ–7/1122 നമ്പര്‍ കേസില്‍ പ്രതിയായി. അറസ്റ്റ് വാറണ്ടിനെത്തുടർന്ന് ഒളിവിൽ പോയി. 9 മാസക്കാലം ഒളിവില്‍ കഴിഞ്ഞു. കേസിൽ തെളിവില്ലാത്തതിനാൽ കോടതി വെറുതേ വിട്ടു. ഇടതുകാലിനു മുട്ടിനുതാഴെ 1938-ലെ സമരകാലത്തു പൊലീസ് ലാത്തിയെറിഞ്ഞുണ്ടായ മുറിവ് ഉണങ്ങിക്കരിഞ്ഞ പാടുണ്ടായിരുന്നു. 1964-നുശേഷം സിപിഐയിൽ പ്രവർത്തിച്ചു.