റ്റി.കെ. പത്മനാഭന്‍
ആലപ്പുഴ തെക്ക് ബീച്ച് വാർഡ് തൈപറമ്പില്‍ വീട്ടില്‍ 1926-ൽ ജനനം. പ്രാഥമികവിദ്യാഭ്യാസം നേടി. കയർ തൊഴിലാളി. 1938-ലെ ഉത്തരവാദിത്തഭരണ പ്രക്ഷോഭത്തിൽ പങ്കെടുത്തു. പൊതുയോഗത്തിൽ ദിവാൻ ഭരണം അവസാനിപ്പിക്കണമെന്നു പ്രസംഗിച്ചതിനെത്തുടർന്ന് പൊലീസ് അറസ്റ്റ് ചെയ്തു. ആലപ്പുഴ, ഹരിപ്പാട് ലോക്കപ്പുകളിൽ തടവുശിക്ഷ അനുഭവിച്ചു. പുന്നപ്ര സമരത്തിലും പങ്കെടുത്തു. പി.ഇ.7/1122 കേസിൽ അറസ്റ്റിലായി. തിരുവനന്തപുരം സെന്‍ട്രല്‍ ജയിലിലും ശിക്ഷ അനുഭവിച്ചു. പൊലീസിന്റെ ക്രൂരമർദ്ദനത്തിനിരയായി.
