എ. ഹസാന്‍കുഞ്ഞ്

ആലപ്പുഴ നോര്‍ത്ത്  പുത്തനങ്ങാടി പട്ടേരി പറമ്പില്‍ ജനനം. പ്രാഥമിക വിദ്യാഭ്യാസംനേടിയിരുന്നു. കയർ തൊഴിലാളി ആയിരുന്നു. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്ത വോളണ്ടിയർമാരിൽ ഒരാളായിരുന്നു. ജാഥയുടെ ക്യാപ്റ്റൻ പത്മനാഭൻ ആയിരുന്നു. കൈയിൽ വാരിക്കുന്തവും തോൾസഞ്ചിയുമായിട്ടാണു പോയത്. ഇൻസ്പെക്ടർ നാടാരുമായി മുൻനിരക്കാർ തർക്കിക്കുന്നതു കാണാമായിരുന്നു. വെടിവയ്പ്പ് തുടങ്ങിയപ്പോൾ കമിഴ്ന്നുകിടന്നു രക്ഷപ്പെട്ടു. തുടർന്ന് ആലപ്പി കമ്പനിയിൽ ജോലി ചെയ്തുകൊണ്ടിരിക്കുമ്പോഴാണ് ജോലിക്കാരിൽ ചിലർ ഹസനെതിരെ വാറണ്ടുണ്ടെന്ന വിവരം അറിയിച്ചത്. തുടർന്ന് എട്ടുമാസം ഒളിവിൽ കഴിഞ്ഞു. വാറണ്ട് പിന്‍വലിച്ചതോടെ നാട്ടില്‍ തിരിച്ചെത്തി.